Серіктестер

                                                                                                                    

                                                                                         

 

 

2020-2021 оқу жылының І тоқсанындағы білім беру ұйымдарының жұмыс қорытындылары туралы аудандық білім бөлімінің бас маманы Гаухар Жұматайқызы Каребаевамен сұхбатты назарларыңызға ұсынамыз.

1. 2020-2021 оқу жылында оқыту қандай форматта өтті?

2020 жылдың бірінші қыркүйегінде Көкпекті ауданында 2020-2021 оқу жылын 4099 балалар контингентімен 37 жалпы білім беретін шағын жинақты мектеп бастады. 180 балаға дейінгі контингенті бар 32 мектеп I тоқсанда 2499 баланы қамти отырып, штаттық режимде оқытылды. Қашықтан оқыту форматында 1072 баланы қамтитын 5 толық жинақталған мектеп оқытылды, онда 56 кезекші сынып жұмыс істеді, 528 оқушы оқыды.


Көкпекті ауданының білім беру бөлімі 2020 жылғы 28 тамыздағы №193 қашықтықтан, штаттық режимде оқытуды ұйымдастыру туралы бұйрық шығарды. Білім беру ұйымдарының басшылары 2020-2021 оқу жылында білім беру процесін ұйымдастыруды регламенттейтін нормативтік-құқықтық құжаттармен танысты. Мектептерде қашықтықтан, штаттық форматта оқытуды ұйымдастыру туралы бұйрықтар бар.
Қашықтықтан оқыту жүргізілген 5 толық жинақталған мектепте мектеп директорлары «Online mektep» білім беру платформасымен шарттар жасасты. Сабақтарда қашықтықтан оқыту форматында барлық педагогтар мен білім алушылар тоқсан бойы оқу - әдістемелік талаптарға сәйкес келетін «Kundelik», «Online mektep», «Bilimland» білім беру Интернет-платформаларына қосылды. Тоқсан ішінде білім бөлімі білім беру платформаларын пайдалану бойынша мониторинг жүргізді.

2.Қанша оқушы жеке ноутбук, компьютер және интернетті маршрутизаторлармен қамтамасыз етілді?

Ауданның 533 оқушысы ноутбукпен, 193 отбасы маршрутизаторлармен қамтамасыз етілген. 32 отбасы «Қазақтелеком» АҚ арқылы қосылған. Оқушылар мен педагогтар компьютерлік техникамен және интернет байланысымен 100% қамтамасыз етілген.
2020 жылдың 1 қыркүйегінде білім бөлімімен мектептерді жасақтау бекітілген: 424 сынып-комплект, оның ішінде 278 сынып қазақ тілінде және 146 орыс тілінде оқытылады. Ауданның барлық мектептерінде мектеп директорлары 2020-2021 оқу жылына арналған сабақ кестелері мен жұмыс кестелерін бекітті.

3. Қашықтықтан оқыту қалай жүргізіледі?

Оқу процесінің ұйымдастырылуына, оның ішінде қашықтықтан оқыту форматында мониторинг және бақылау жүргізіледі. Мектептерде бекітілген тарификациялық тізім және мектептің 2020-2021 оқу жылына арналған жұмыс оқу жоспары негізінде педагогтердің оқу жүктемесі бөлінді.
4.Аудан мектептерінде инфекцияны жұқтырудың қауіпсіздік шаралары қалай сақталады?
Аудан мектептерінде қауіпті топқа жататын педагогтардың кезекші сыныптармен жұмыс істеуге жол бермеу туралы бұйрық шығарылды. Білім беру ұйымдары басшыларының орынбасарлары қашықтықтан оқыту режимі кезінде ҚР БҒМ 13.08.2020 жылғы №345 бұйрығымен бекітілген функцияларды орындады. (3.09.2020 жылғы өзгерістер мен толықтырулармен) Ұлттық білім беру деректер базасында (бұдан әрі – ҰБДҚ) оқушылардың уақтылы қабылдануы және кетуі тұрақты түрде жүргізілді.
5 мектепте жұмыс сабақтың асинхронды форматы арқылы жүзеге асырылады, бұл мұғалімнің өз бетінше оқуға арналған контент пен оқу тапсырмаларын қамтитын электрондық платформалардың мүмкіндіктері арқылы білім алушылармен өзара әрекеттесуі, содан кейін мұғалімнің кері байланысы. Сабақтар санитариялық-эпидемиологиялық қағидалар мен нормалардың (бұдан әрі – СанЕжН) талаптарын ескере отырып, оқу уақытын ұтымды пайдалана отырып жүргізіледі.

5. Білім беру ошақтарында білім беру процесі қалай жүзеге асырылады?

2020 жылдың 1 қыркүйегінде ауданның жалпы білім беретін мектептерінде ҚР МЖМБС, үлгілік оқу жоспарлары мен барлық сыныптарға арналған мектептің жұмыс оқу жоспарына сәйкес жасалған сабақ кестелері бекітілді. 1-5-сыныптарда сабақтар сағат 9:00-ден, 6-11- сыныптарда сағат 14:00-ден қойылды.
Сынып жетекшілер өз сыныптары бойынша қашықтықтан білім алуға мүмкіндік беретін техникалық жабдықтармен (компьютердің, интернеттің болуы) қамтылуын қадағалады. Барлық оқушылар мен ата-аналар ААЖ Күнделік электрондық журналдарына және басқа да интернет-платформаларға (Onlinemektep, bilimland) қосылу үшін логиндер мен парольдер берілді.
Білім алушылар мен олардың ата-аналарына (заңды өкілдеріне) интернет-платформалары туралы, сабақ кестесі туралы әлеуметтік желілер арқылы, онлайн-ата-аналар жиналыстары арқылы және ватсап арқылы ақпараттар берілді.
Педагогтің сабаққа асинхронды форматта дайындау сапасына: оқу материалдары интернет - платформаларда (Onlinemektep, bilimland) орналасқан сабақ мақсатына және оқушылардың жас ерекшелігіне байланысты пайдаланды. Сондай-ақ аталған платформаларда жоқ пәндер бойынша электрондық оқулықтар, бейнематериалдар, ТВ-сабақтар, презентациялар және т.б. ресурстар пайдалану арқылы жүргізіледі. Ауданда ерекше білім берілуіне қажеттілігі бар балаларды оқыту үшін, олардың мүмкіндіктері ескеріле отырып, жеке бағдарламалар мен жеке білім беру маршруттары жасалды.
Барлық мектептерде телефон нөмірлері көрсетілген колл - орталықтар жұмыс істейді, қабылданған қоңыраулар саны, жиі қойылатын сұрақтар журналда тіркеледі.

6.Санитарлық нормалар мен сақтандыру қағидаларының орындалуы туралы айтып өтсеңіз?

Шығыс Қазақстан облысы тауарлар мен көрсетілетін қызметтердің сапасы мен қауіпсіздігін бақылау департаментінің хаты негізінде және облыс әкімінің орынбасары А. Мархабаттың 13.10.2020 ж. тапсырмасы бойынша, білім беру ұйымдарында коронавирустық инфекциямен сырқаттанушылықтың өсуіне және таралуына жол бермеу мақсатында ағымдағы жылдың 15-16 қазан айларында мониторингтік топ құрылды. Топтың құрамында ТКҚСҚБ басшысы Г. Абдрасулова және білім бөлімінің бас маманы Ә.Фахрутдинова болды. Олар профилактикалық, эпидемияға қарсы іс-шаралардың ұйымдастырылуын бақылау мақсатында ауданның 19 мектебі мен 5 балабақшасында тексеру жұмыстары жүргізілді. Тексеру нәтижесінде құқық бұзушылықтар анықталған жоқ. Мектептерде санитайзерлері бар антисептиктер, үй-жайларды тазалауға арналған гипохлорид жеткілікті мөлшерде бар. Дезинфекциялық заттарды алу үшін жергілікті бюджеттен ақшалай қаражат бөлінді және бірыңғай ұйымдастырушы білім беру бөлімі конкурсқа шықты, тамыз айында барлық мектептер 2020-2021 оқу жылының соңына дейін антисептиктермен және гипохлоридпен қамтамасыз етілді.
Санитарлық нормаларды сақтау үшін мектептерде 156 дана бактерицидті шамдар, аудан бойынша 620 дана тері антисептиктері бар. СанПИН нормаларына сәйкес антисептиктер санитарлық тораптардың жанында, әр қабатта, сондай-ақ ғимаратқа кіру және шығу есіктерінде орналасқан. Әр аудиторияда антисептиктер бар. Барлық білім беру мекемелерінде оқушылардың қашықтығын сақтау үшін кіру, шығу алдында сигналдық белгілер бар, аудан бойынша оқушылар саны 4099 құрайды. Әр оқушыға 3 рет қолданылатын маска бөлінген. Қайта пайдалануға болатын маскалардың жалпы саны-12297 дана. Мектеп директорының бұйрығымен санитарлық-эпидемиологиялық талаптардың сақталуына жауапты тұлғалар тағайындалды.

7. І тоқсан барысында COVID-19 инфекциясын жұқтырған оқушылар, мүғалімдер, басқа да қызметкерлер болды ма?

1-тоқсан қорытындысы бойынша оқушылардың 4-інде COVID-19 ауруының оң нәтижелері анықталды, ата-аналармен қарым – қатынаста болғандардың нәтижесінде 3 оқушы анықталды. Білім беру мекемелері қызметкерлерінің арасында 6 адамда covid-19 ауруының оң нәтижелері анықталды. Бүгінгі күні 5 оқушы сауығып, 2-і карантинде. 6 педагогикалық қызметкерлер аурудан құлан таза айықты.
Сұхбатыңызға рахмет.

Сұхбаттасқан Шолпан АСЫЛБЕКҚЫЗЫ

Пікір:

Директор-редактордың блогы

 Көкпекті аудандық  

«Жұлдыз - Новая жизнь» 

 газетінің сайтына

қош келдіңіздер!

 Біздің заманымыз – күнделікті өмірімізге дәстүрлі, қарапайым іс-әрекеттерімізді жаңа әрі жетілдірілген түрімен алмастыра отырып енген жаңа технологиялар уақыты. Бүгінде ғаламтор өміріміздің белсенді бөлігіне, қарым-қатынас орнатудың ыңғайлы және заманауи үлгісіне айналып отыр. Соған сай, біздің газетіміз ашық пікір алмасуға әрдайым дайын. Сіздердің әр пікірлеріңізге қуана жауап береміз және редакция тарапына қойылған қандай сауалдарыңызды да жауапсыз қалдырмауға тырысамыз. Газет сайтынан ауданымыздың ең соңғы жаңалықтарымен таныс болумен қатар, көптеген жаңа және танымдық материалдарды таба аласыздар. Пікірлеріңіз бен тілек-ниеттеріңізді Facebook, Вконтакте әлеуметтік желілеріндегі парақшамызға жолдай аласыздар. Әріптестігіміз қызықты, жаңашыл әрі пайдалы болады деген үміттемін!

Құрметпен Көкпекті аудандық «Жұлдыз» - «Новая жизнь» газетінің директор-редакторы Д.Б.Дюсембаев. 

 

 

Күнтізбе

<< < Қараша 2020 > >>
Дс Сс Ср Бс Жм Сб Жс
            1
2 3 4 5 6 7 8
10 11 12 13 14 15
16 17 18 19 20 21 22
23 24 25 26 27 28 29
30            

Қаралым санағы

HotLog

Біз әлеуметтік желідеміз