Елбасының бастамасымен  қолға алынған « мектепке жол» акциясы  оқушылардың мектепке толық баруын  қамтамасыз етудің үлгілі үрдісі.

Жаңа оқу жылы қарсаңында оқумен қамтылмаған балаларды анықтау, аз қамтамасыз етілген және көп балалы отбасынан шыққан, ата-ана қамқорлығынсыз қалған балаларға  қолдау көрсету және әлеуметтік себептерге байланысты  балалардың мектепке келмеуінің алдын алу мақсатында Республика  көлемінде жүріп жатқан бұл бастама біздің Үлкенбөкен ауылында жалғасын табуда.

Үлкенбөкен мектеп директорының айтуынша өткен әкімшілік апаратында «Мектепке жол» акциясына  баса назар аударылған еді.

Бұл акция бойынша ауылымыздың бетке ұстар азаматтарының бірі жеке кәсіпкер Кенжетай Хощанов  осы аз қамтылған отбасына қол ұшын беруде.

Мектеп ұжымы да бұл акцияға бір кісідей атсалысуда. 

Баланың қуанышынан  артық не бар дейсіз? Демеуші аға, әпкелерінен сый- сыяпат алған балалардың қуанышында шек болмады. «Жақсының жақсылығын айт,нұры тасысын» деген халық даналығы бекер айтылмаса керек. Қоғамдағы болып жатқан өзгерістерге бей-жай қарамайтын, қолынан келгенше балаларға қамқорлық көрсетуге жұмыла кірісетін азаматтардың арамыздан көптен табылуы үлкен қуаныш. Осындай қайырымдылық  шараларының басы -қасында жүретін ауылдастарымызға мектеп әкімшілігі атынан алғысымызды білдіреміз.

Пікір: