Казнаковка білім беру жобасы Көкпекті ауданы бойынша алғашқы кезі 2005 жылы басталған болатын. 2017 жылы «IQanat» білім беру қоры Шығыс Қазақстан облысы бойынша іске кірісті. Аталмыш жобаның биылғы 2018 -2019 оқу жылындағы олимпиадасының І кезеңі 2019 жылдың 9 қаңтарында салтанатты түрде ашылып, олимпиада басталды. Олимпиаданың ашылу салтанатына Көкпекті ауданының білім бөлімінің басшысы Ш.Мұстафинова және «IQanat» білім беру қорының облыстық үйлестірушісі А.Матыбаева биылғы оқу жылының І кезеңіне қатысушыларын құттықтап, сәттілік тіледі. Олимпиада эссе жазу, математика, физика, ағылшын тілі пәндері бойынша болды. Олимпиадаға ауданның 9 сынып оқушыларынан 83 оқушы қатысты. Білім сайысы Самар ауылындағы Ж.Болғанбаев атындағы Самар орта мектеп-лицейінде ұйымдастырылды.

Олимипиаданың салтанатты ашылуына өткен оқу жылының абсолюттік жеңімпаздары яғни шетелдегі жоғарғы оқу орындарының грант иегерлері келіп биылғы оқу жылының алғашқы қатысушыларына жылы лебіздерін білдіріп, жеңіп алған FAB LAB кабинеттерінің қазіргі уақытта сабақта қолданып жүргендерін мақтанышпен жеткізіп, «IQanat» олимпиадасының алар асуы биік екенін айтып, сәттілік тіледі.
Олимпиаданың І кезеңінен сүрінбей өтіп ІІ кезеңге жол тартқан оқушылар Астана қаласына бірнеше күндік Республикалық кезеңге қатысуға барады. Оқушылардан күтер үмітіміз өте зор.

Г.Бақытбек, Көкпекті ауданы бойынша «IQanat» білім беру қорының аудандық үйлестірушісі

Пікір: