«Көкпекті ауданының арнаулы әлеуметтік қызметтер көрсету орталығы» коммуналдық мемлекеттік мекемесі 2009 жылдың қараша айында құрылды.
Қазіргі уақытта мекемеде 216 қызмет алушыға үйде әлеуметтік көмек көрсетіледі, оның ішінде жалғызбасты қарттарға және мүгедектерге әлеуметтік көмек көрсету бөлімшесімен 145 жалғызбасты қарттар мен мүгедектерге, мүмкіншіліктері шектеулі балаларға және 18 жастан асқан тұлғаларға үйде әлеуметтік көмек көрсету бөлімшесімен 65 қызмет алушыға үйде әлеуметтік көмек көрсетіледі. Күндізге келу бөлімшесінде мүмкіншіліктері шектеулі 16 бала бар. Оңалту шаралары бекітілген кестеге сәйкес сағат 09.00-дан 13.00 дейін жүргізіледі. Қызмет алушыларды Орталыққа және үйлеріне жеткізу мейіргер және тәрбиешінің қарауында «Газель» автокөлігімен жүзеге асырылады.

Мекеменің қызметкерлерімен және қызмет алушыларымен бірлесе отырып, мерекелік іс-шаралар, концерттік бағдарламалар ұйым-дастырылып отырады.
Біз барғанда мекемедегі балалар сыртқа шығып қармен алысып ойнай алматын болған соң. Қыс келбетін қолдарымен рәсімдеп жатыр екен. Суретшілер қыс суретін бояумен салса, кейбір балалар ақшақарды ақ мамықтан тігіп жасап отыр екен. Балалардың қысты бейнелеуге ынталары зор. Тіпті қыс туралы тақпақ айтып, ән де салып қояды.
Мекеме басшысы Райхангүл Баймолдинаның айтуынша «Ағымдағы жылда күндізге келу бөлімшесінің қызмет алушыларын тамақ-тандыруды ұйымдастыру жоспарлануда. Сонымен қатар, бюджеттік мекеменің қауқарына қарай жөндеу жұмыстарын жүргізсек те, біз ауданымыздың кәсіпкерлеріне ғимаратты қоршауға, аула ішіндегі соқпақтарға тас төсеуге, жолдың ғимаратқа апаратын бөлшегін жөндеуге демеушілік көмек көрсету жөнінде хат жолданған екен».
Ауданымыздың кәсіпкерлері аталған игі істерде шетте қалмай мүмкіндігінше көмек көрсетеді деп үміттенеміз.

Пікір: