Ауданымызда бірінші болып Ұлыстың ұлы күні – Нау-рыз мерекесін Көкпекті орта мектебі бастады. Ежелден келе жатқан көктем мезгілінде тойланатын бұл мереке ырыстың, береке мен молшылықтың, бірліктің, бейбітшілік пен көктемгі жаңғырудың мерекесі. Мектеп ауласына киіз үй тігіліп, алтыбақан құрылған. Тіршілік атаулыға жылулық әкелетін молшылық мерекесін мектеп ұжымы «Алаш», «Бірлік», «Болашақ», «Достық», «Ынтымақ», «Толағай» ауылдары болып ұлттық тағам түр-лерінен дастархан әзірлеп, нау-рыз мерекесін тойлады. Бұл күні ұстаздар қауымы мен оқушылар қазақтың ұлттық киімін киіп, өз өнерлерін ортаға салды Наурызды көруге келген ата-аналар, ауыл тұрғындары оқушылар әзірлеген наурыз көжеден дәм татты. Мерекеге жиналғандарды мешіт имамы Кенжебек Ахметқалиев Ұлыстың ұлы күнімен құттықтап, бата берді.

Ал, кадет сыныбының шәкірттері әскери жаттығулар көрсетті. Мерекелік шара аясында «Асық ату», «Қол күрестіру», ұлттық ойындары және гір көтеру, арқан тарту сияқты спорт түрінен жарыс ұйымдастырылды. Мереке соңында сыныптар арасындағы ұлттық тағам сайысы бойынша ауылдар арнайы мадақ-тамалармен марапатталды.
Мектеп өнерпаздары мен балалар дайындаған мерекелік концертіне ұласқан Наурыз тойынан көпшілік көтеріңкі көңілмен тарасты.

ШОЛПАН АСЫЛБЕКҚЫЗЫ

Пікір: