Ақой ауылындағы А.С.Пушкин атындағы орта мектебінде 29 қараша күні Жалпыадамзаттық құндылықтар күніне байланысты «Әкем, анам және мен» атты отбасылық спорттық сайыс өтті. Сайыстың мақсаты оқушылар мен ата-аналарға спорттық ойындарды орындата отырып, спортқа деген қызығушылықтарын арттыру, балалардың дене бітімі дұрыс жетілуі үшін дене шынықтырудың маңызын түсіндіру, салауатты өмір салтын насихаттау, ептілік пен жылдамдыққа, шапшаңдыққа тәрбиелеу. Ата-анамен тығыз қарым-қатынаста болып, байланысты жақсарту. Балалар арасындағы ынтымақтастыққа, өзара бірлесе қимыл жасауды дамыту.

Сайысқа "Бүркіт", "Дружные ребята", "Қыран", "Жеңіліп қаламыз", "Жауынгерлер", "Сұңқар" және "Волки" сынды 7 топ қатысты. Топтарды ортаға шақырып, сайыстың ережелерімен таныстырылды. Әділ баға беретін төрешілер алқасы таныстырылып, директордың тәрбие ісі жөніндегі орынбасары Садыкова Айсұлу Маденовнаға құттықтау сөзі берілді. Сайысқа сәттілік тілегенше, жарыс басталып кетті. Өте көңілді әр түрлі эстафеталар болды. Келген қонақтар, жанкүйерлер тамаша көңіл-күйде болды. Татулық пен береке-бірліктің куәсі болдық. Сайыс болған жерде жеңімпаз болады. Әр топ керемет өнер көрсетіп, ойын соңында мадақтама қағазымен марапатталды. Басты жүлде "Дружные ребята" тобына бұйырса, І орынды "Жеңіліп қаламыз" тобы мен "Сұңқар" тобы жеңіп алды. ІІ орынға "Бүркіт" тобы мен "Волки" тобы ие болса, ІІІ орынға "Қыран" тобы мен "Жауынгерлер тобы" ие болды. Ата-аналар мен балалардың қуаныштарында шек жоқ. Бала үшін, алтын уақыттарын қиып сайысқа қатысқан әрбір отбасына алғыс айтамыз және де, сайыс-ты ұйымдастырған дене шынықтыру пәнінің мұғалімдері Тоқтасынов Тимур Ерғазыұлы мен Жотабаев Даулет Ахметхалиұлына үлкен рахмет. Өміріміздің мәні – балалар. Балаларға үлкен қуаныш, көтеріңкі көңіл-күй сыйладыңыздар.
Спорт - денсаулық кепілі. Ендеше, денсау-лығымыз мықты болуы үшін, ұрпағымыздың дені сау болуы үшін спортпен шынығып жүрейік, ағайын!

М.М.Ахметова, кітапханашы

Пікір: