Батагөй қариялар мен ел ағалары арасында «Ақ бата – асыл мұра» атты сайыс өтті. Аудандық ішкі саясат бөлімі тарапынан ұйымдастырылған сайыста қариялар бата беруден жарысты. Бұл іс- шара Елбасы Нұрсұлтан Назарбаевтың «Болашаққа бағдар: рухани жаңғыру» атты бағдарламалық мақаласын жүзеге асыру аясында өтті. Мақсаты - көпті көрген данагөй қарттарымыздың өнегелі өмірін үлгі ете отырып, ғибрат боларлық сөздерін жас ұрпақтың бойына сіңіру. Сондай-ақ асыл қазына қариялардың бойындағы қасиеттерін дәріптеу арқылы жастарды имандылыққа тәрбиелеу, үлкенге құрмет, кішіге ізет көрсетуді үйрету.

Сайыс қорытындысымен қа-зылар алқасы бірінші орынға Үлгілімашы ауылдық округінен келген Шахан Төлеубайұлы Тұрсынхановты лайық деп тапты. Ал екінші орын Шұғылбай ауылынан келген Өмір Рахымжановқа берілді. Үшінші орынды Тассай ауылының ақсақалы 92 жастағы Назарбек Қасенов иеленді. Жеңімпаз қарияларға алғыс хаттар мен бағалы сыйлықтар, алты алашқа әйгілі билер атындағы номинациялар: Майқы би – Тассай ауылынан Агимбаев Болатбек, Төле би - Тассай ауылынан Қабдылманап Жанабаев, Әйтеке би – Үлкенбөкен ауылынан Тұрарбек Байдаулетов, Қазбек би – Самар ауылынан Ыхай Серікке берілсе, ұлысымызға ұран болған Би Боранбай атындағы номинация - Қылышбек Нүрпейісовке, Байқадам би атындағы номинация – Бауыржан Рапековке берілді. Шараның ұйымдастырылуы, сахнаның безендірілуі аталмыш сайыс өткен Көкпекті орта мектебі басшылығының болар іске зор жауапкершілікпен қарағанын көрсетіп тұрды.

Қ. Бесбайыс

Пікір: