Ағымдағы жылдың 12 тамыз күні Палатцы ауылдық округінде аталмыш мереке «Қазақстанның болашағы жастардың қолында» тақырыбында өтті.
Бұл мерекелік іс-шара ауыл жастары мен студенттерден құралған екі команда арасындағы жарыс түрінде өтті. Жарыстың қорытындысы бойынша, ауыл жастарынан құралған «Эрудит» командасы жеңіске жетіп, алғыс хаттармен марапатталды.

Сонымен қатар, спорт алаңқайында «Денсаулығым – байлығым» тақырыбында спорттық шаралар өткізілді. Футбол ойынында жақсы ойын көрсеткен ойыншылар үздік шабуылшы, үздік қорғаушы, үздік қақпашы аталымдарына ие болып, марапатталды. Жарыс өте қызықты өтті. Мерекелік кештің соңы, ауыл жастарына арналған би кешімен жалғасты.
Біз, жастар, өз бойымызда басқа ешбір топта кездеспейтін қабілет пен қоғамда басқа ешбір топ орындай алмайтын қызмет атқарамыз. Басқаша айтсақ, қоғамның маңызды әлеуметтік стратегиялық ресурсы болып табыламыз, сондықтан да Қазақстанның тұрақты әлеуметтік-экономикалық дамуы білімді, ақыл-ойы терең жастардың қолында.

Б.Шалғынбаева, жетекші маман,
Палатцы ауылдық округі

Пікір: