Су – тіршіліктің қайнар көзі. Онсыз адам баласының да, ешқандай тіршілік иелерінің де өмір сүруі мүмкін емес. Күнделікті қолданып жүрген суымыз қарапайым әрі аса қажетсіз болып көрінуі мүмкін, дегенмен оның да сұрауы бар. Қазіргі заман талабына сай, ешбір адам өз үйін таза ауыз сусыз елестете алмайды.
Аудан тұрғындарын ауыз сумен қамтамасыз ету мәселесі ұзақ жылдар бойы шешілмей келді. Сондықтан, бұл бірінші кезектегі міндеттер пен сұраныстардың біріне айналды. Қазіргі уақытта осы мәселе аясында жұмыстар атқарылып, біртіндеп шешілуде.
2019 жылдың көктемінен бастап таза ауыз сумен қамтамасыз етілмеген ауданның елді мекендерінде, сондай - ақ Көкпекті мен Самар ауылдарында жаңа магистральдық желілерді тарту бойынша құрылыс жұмыстары қарқынды басталды. Бұл міндет толық шешілгенше аудан әкімшілігінің бақылауында болады.

Бірнеше жылдан бері Самар ауылында жаңа магистральды су құбыры желілерін орнату бойынша құрылыс жұмыстары жүргізілуде және көпшілікке бұл жұмыстың соңы жоқ сияқты көрінген еді. Күн сайын ауылдың көшелерінде экскаваторлармен, тиегіштермен және басқа да ауыр техникамен жұмыс істейтін су құбырының жаңа желілерін тарту процесі жүріп жатыр. Көп жерлерде траншеялар, құбырлар, бетон сақиналар және тағы басқа жұмыс құралдарымен жұмыс атқарылуда.
Шынында да, жұмыс өте ауыр және қиын, көп күш-жігерді қажет етеді. Көпшілік құрылыс жұмыстарының созылуына байланысты туындаған қолайсыздыққа түсіністікпен қараса да, тұрғындар арасында: «Самар ауылында су қашан болады?» деген сұрақтар қойылып жатады. Бұл сауалмен біз «НКО» ЖШС су құбыры құрылысының мердігері, учаскі басшысы Р.И.Асановқа жүгіндік:
- Биыл біз 290 ұңғыма орнаттық, 13 шақырым магистральдық желі тарттық, 6 шақырым аяқталуға жақын. Негізгі жұмыстар келесі көшелерде жүргізілді: Парий, Горный, Солнечная, Алтынсарин, Центральный, Раисов, Молдағұлова, Первомайский, Фонов, Лоскутов, Швайченко, Казахстанская, Астана, Глухенко, Горохов. Сондай-ақ, Аубакиров, Букетов, Бакраев, Болғанбаев, Фролов, Шарабарин, Абай, Новоселов, Мир, Строительный көшелерінде жөндеу жұмыстарын жүргізу қажет.
Су құбырын төсеу кезінде барлық техникалық нормалар сақталады. Сонымен қатар, біз тұтынушылармен байланыс орнатамыз. Жоба бо-йынша ауыз су 2022 жылы нақты болады. Қазіргі уақытта 500 миллион теңгенің жұмысын аяқтадық, - дейді мердігер ұйым өкілі.
Самар ауылының су құбыры желілері құрылысын қайта жаңарту бойынша аудандық құрылыс бөлімі берген мәліметтер:
- Келісім-шарттардың жалпы құны -1 877,088 миллион теңге. Мердігер ЖШС «НКО» - келісім-шарт сомасы 1 866, 188 миллион теңге. Техникалық қадағалауды «ВЕHI» ЖШС, авторлық қадағалауды «Градопроект» ЖШС жүргізеді.
Жобаның негізгі мерзімі - 2017-2022 жылдар. 2017-2020 жылдарға 678 000 млн теңге бөлініп, игерілді. 2021 жылға 500 миллион теңге бөлінген.
Желілердің жалпы ұзындығы - 80193 метр, оның ішінде су құбырларының екі саласы бойынша - 1 535 метр. Тұтынушыларға қосылу - 27 535 м. (3000 м аяқталды). Магистральдық желілер - 51 126 м (аяқталған 40 683 м). Қазіргі уақытта магистральдық желілерді төсеу, тарату желісін құрастыру жұмыстары жүргізілуде, материал сатып алынуда. Аяқталған жұмыстың көлемі 36% құрайды.
Нысанда 11 техника бірлігі мен 23 адам жұмыс істеуде. Жұмыстар толық аяқталғанша 699, 088 миллион теңге көлемінде қаражат бөлу қажет.
Жобаның толық аяқталу мерзімі 2022 жылға жос-парланған.

Пікір: