Өткен сенбіде Көкпекті ауылындағы «Ұлы дала елі» алаңында ауылшаруашылық өнімдерінің жәрмеңкесі ұйымдастырылды. Оңтайлы сәтті пайдаланып, арзан бағамен азық-түлік алуға жиналғандар көп болды. Қауіпті індетке байланысты шектеу шараларынан кейін алғаш рет өткізіліп отырған жәрмеңкеге аудан әкімі Асхат Смаилов келіп, ұйымдастырылу барысын бақылады. Аудан басшысы сөредегі тауар бағасын төмендету бойынша шаралар қабылдау керектігіне баса назар аударды.

Өкінішке орай, бұл жолғы жәрмеңке аудан әкімінің ойындағыдай өтпе-генін бірден атап өткеніміз жөн. Ауыл-шаруашылық жәрмеңкесін ұйымдастыру барысында ауылдық округ әкімдері, сондай-ақ осы салаға жауапты бірінші орынбасары Марат Теміржановқа да қатаң ескертулер айтты.

- Жәрмеңке деген бизнес емес. Сондықтан да ауыл әкімдері тауар өндірушілер және кәсіпкерлермен түсіндіру жұмыстарын жүргізу қажет. Бұндағы белгіленген бағалар қарапайым халықтың қалтасына ауыртпалық түсір-месін. Дүкендегі бағадан арзан болмаса жәрмеңке ұйымдастырудың қажеті қанша?! - деді Асхат Сайдахметұлы.
Аппарат басшы Бек Нұғыбаевқа бір-қатар хаттамалық тапсырмалар берілді. Келесі жәрмеңке13 маусым күні өтетін болып белгіленді.

Клара ҚАЙЫПЖАНҚЫЗЫ 

Пікір: