23 желтоқсан күні аудан әкімі Асхат Сайдахметұлының қатысуымен аудандық мәслихаттың 43 сессиясы болып өтті.  Сессияда 3 мәселе қаралды. Мәслихат сессиясында аудан әкімінің орынбасарлары, аудандық ішкі істер бөлімінің басшысы, аудандық бөлімдер және бюджеттік мекемелердің басшылары, ауыл әкімдері қатысты.

Бірінші мәселе бойынша экономика бөлімінің басшысы Азамат Мәкенов 2020-2022 жылдарға арналған Көкпекті ауданының бюджеті туралы баяндап берді. Ал, екінші мәселе бойынша мінбеге шыққан аудандық маслихат хатшысы Талғат Сарманов 2019 жылы депутаттық корпусының атқарған жұмысы туралы есеп берді.

- Қазақстан Республикасының «ҚР жергілікті мемлекеттік басқару және өзін-өзі басқару» Заңының негізінде бүгінде жұмыстың жылдық қортындысы шығарылуда.Бұл кезең ауданымыздың әлеуметтік-экономикалық дамуын жақсартуға бағытталды. Аудандық мәслихат депутаттарының сайлауалды бағдарламасының сараптамасы бойынша, алдағы уақытта да бұрынғыша басымды мәселе әлеуметтік бағыт болып қала береді. Олар: медициналық қызмет көрсету сапасы, білім беру, тұрғындарды әлеуметтік қорғау, тұрғын үй-коммуналды шаруашылық сапасын жақсарту болып табылады. Бөлім басшыларына депутаттық сұраныс жасау арқылы жергілікті басқару органдарымен бірлесе жұмыс істей отырып өз сайлаушыларының мәселелерін шешуде депутаттар бар күш-жігерін салады.
Мен, мәслихат депутаттары атынан өзіміздің күш-жігеріміз бен білімімізді алдымызда тұрған міндеттерді орындай отыра, ауданымыздың гүлденуі жолында жүзеге асырамыз деп сендіремін.
Шын жүрегімнен барлық шақырылым депутаттарын атаулы күн- өкілетті органның 25 жылдығымен құттықтаймын! Барлық шақырылым депутаттарына ауданымыздың әлеуметтік-экономикалық дамуына қосқан үлестері үшін алғысымды білдіремін! Барлықтарыңызға мықты денсаулық, отбасылық береке-бірлік, шығармашылық табыс және егеменді Қазақстан игілігі үшін жемісті еңбек тілеймін!, - деді.
Баяндамадан соң маслихат хатшысы Талғат Манапұлы аудан әкімі Асхат Сайдахметұлы мен маслихат депутатарына мерейтойлық медальдар табыстады.
Осындай қуаншыты сәттен соң жиын жабық деп жарияланды.

Пікір: