Көкпекті ауданы әкімдігінде «Нұр Отан» партиясы «Жас Отан» жастар қанатынан жастар мәслихатына сайланған депутаттарды салтанатты қабылдау рәсімі өтті. Бұл шараға Көкпекті  ауданының әкімі Рамиль Нығметжанұлы Сағандықов, аудандық ардагерлер кеңесінің төрағасы Слямбек Насырбайұлы Мұқашев және ауылдық округтің жастар саясаты мамандары қатысты.

Елдің ертеңгі тірегі – бүгінгі жастар. Білім-ді де саналы жас азаматтарға үлкен сенім артқан Елбасы «Жас Отан» жас-тар қанатын құруға бастама көтеріп, бұл ұйымды «елдегі жас-тар қозғалысының басты ядросы» ретінде атап өткен болатын. Олардың алдында тұрған міндеттер де белгіленді. Енді міне, жастар депутат ретінде сайланып, өз өңірінде қордаланған мәселелерді шешуге қолғабыс етпек.
Салтанатты қабылдау барысында ау-дандық Жастафр орталығының директоры Азамат Серікұлы Халықов баяндама жасап, өз баяндамасында ағымдағы жылдың 29 қыркүйегінде өткен жастар маслихатына депутаттар сайлауының өтуі туралы есеп берді.
Сонымен қатар, жиында аудан әкімі Р.Сағандықов белсенді жастарға сәттілік тілеп, ауыл жастардың ішінен суырылып шыққан 13 жасқа депутаттық мандатты тапсырып, арнайы төсбелгі мен қызметтік куәлікті қолдарына табыстады. Енді олар жастарды толғандырып жүрген мәселелерді көтеріп, оның шешілуіне атсалыспақ.
Қазақ елінің халықаралық беделі – тек жастар үшін. Бұл Жалпыға Ортақ Еңбек Қоғамының негізі. Сондықтан бүгінде жастар саясатының жаңа міндеттерін белгілеудің маңызы зор.

Клара ҚАЙЫПЖАНҚЫЗЫ

Пікір: