Қымбатты аудан тұрғындары!  Қадірлі жерлестер!

Баршаңызды есік қағып кіргелі тұрған, үлкен де, кіші де асыға күтетін жарқын мереке - Жаңа жылмен шын жүректен құттықтаймыз! Бұл күнді әсіресе, періште көңіл сәбилер асыға күтіп, таңғажайып тосын сыйлықтармен күтеді. Сондықтан, ертегі мен қызыққа толы, бақытқа кенелетін күні барлық балаларға жаңа жылда жаңа білімді игеріп, жаңа табыстарға қол жеткізулеріне тілектеспіз. Жаңа 2020 жыл әрбір шаңыраққа құт, береке, ырыс алып келсін!
Жаңа Жыл – қашанда әр адамның жүрегіне жаңа үміттер мен аппақ армандар ұялататын, ғажайып қиялдарға қол создыратын ең сүйікті мерекеміз. Барша адамзат бұл күні өткенді ой елегінен өткізіп, саралап, жаңа жылға таза ниетпен, болашаққа деген мол сеніммен, нық қадаммен аттағанды қалайды.
Өтіп бара жатқан 2019 жылға өкпеміз жоқ, жаңа жылға артар үміттеріміз көп. Өткен жыл жалпы қазақстандықтар үшін жағымды жаңалықтарға, айтулы оқиғаларға толы, табысты, құтты жыл болды. Ең бастысы, 100-ден астам ұлттардың құтты мекеніне айналған егемен елімізде бейбіт өмір мен береке-бірлік, ынтымақ орын теуіп, халқымыз алаңсыз тірлік кешуде.
Елбасының «Болашаққа бағдар: рухани жаңғыру» бағдарламалық мақаласы аясында киелі мекеніміз Көкпекті ауданында ауыз толтырып айтарлықтай бірқатар істер атқарылғанына жұртшылық куә. Ендеше, өткен жылға риза болып, Жаңа Жылда елмен бірге жаңа биіктерге жете берейік!

Құрметті көкпектіліктер! Сіздерге мықты денсаулық, отбасы берекесін тілейміз, жаңа бастаған істеріңіз оңынан болсын! 2020 жыл жаңа бақыт, жаңа табыс әкелсін! Еліміз тыныш, жұртымыз аман болсын, ауызбіршілігіміз берік болып, жарқын болашаққа деген сенім нық болсын! Жаңа жыл сіздер үшін зор жетістіктерге қол жететін, ой - мақсаттар жүзеге асатын, арман-үміттер ақталатын жыл болсын. Сіздерге молшылық пен бақыт тілейміз. Жаңа Жыл — бірлік пен татулықтың жылы болсын!

А.Смаилов, аудан әкімі
Т.Сарманов, аудандық маслихат хатшысы

Пікір: