*Самар селолық округінің әкімі А.Күдербаев жаңа жыл мерекесінің қарсаңында Самар ауылындағы ҰОС ардагерлерін құттықтады. Ұлы Отан соғысының ардагері Икласов Муталяпты және Федосова Валентина Степановнаның үйіне барып, ардагерлердің ақ батасын алды.

*Желтоқсан айының 29 күні Самар ауылдық округінің Қайыңды ауылында балаларға арналған жаңажылдық мерекелік шыршасы өтті. Шараны ұйымдастырудағы не-гізгі мақсат – балаларға қуаныш сыйлау, қамқорлық көрсету болып табылады. Самар селолық округінің әкімі А.Күдербаевтың бастамасымен Мәдениет үйі қызметкерлері ұйымдастырған әкім шыршасына Қайыңды ауылының бүлдіршіндері мен ата-аналары жиналды. Самар селолық округі әкімінің орынбасары Г.Мажибаева жылдың ең қызықты, қуанышты, ерекше мерекесімен құттықтап, Ит жылы елімізге берекелі, мерекелі жыл болсын, алдыңғы қатарлы елдердің қатарынан көріне берейік деген ақ ниетті тілегін білдірді.
Балғындар Аяз ата мен Ақшақарды көріп, сыйлық алып қуанышқа бөленді. Әрине, жылдың ең басты мерекесін бүлдіршіндер асыға тосатыны белгілі. Осы ретте мәдениет үйінің өнерпаздары бүгінгі шарада балғындардың қиялына қанат бітіріп, ертегілер әлемінің қаһармандарын сомдап, түрлі ғажайыптарға толы қойылымдар көрсетті. Қуанышқа кенелген балалар салтанатты кеште ризашылықтарын танытып, өздерінің ақжарма тілектерін арнады. Жасыл шырша жанында бүлдіршіндерге Аяз ата арнайы сыйлықтар табыс етті.
*Самар ауылындағы Мәдениет үйінде жаңа жыл мерекесіне арналған бал-маскарад өтті. Ауыл тұрғындарын Самар селолық округінің әкімі А.Күдербаев, Көкпекті ауданының мәслихат депутаты С.Жотабаев селолық округтегі ардагерлер кеңесінің төрағасы А.Садықов жиналған қауымды жаңа жыл мерекесімен құттықтады. Мерекелік іс-шараға арнайы тігілген киімдерін киген қатысушылар көрер көзді қуантады. Ескі Тауық жылын шығарып салып, есігімізден еніп, төрімізден орын алғалы тұрған Ит жылын қарсы алды.Түрлі карнавалдық киімдер киген тұрғындар Аяз ата мен Ақшақарды ортаға шақырып, жасыл шыршаны айналып ән салып, би биледі. Түрлі ойындар ұйымдастырылды. Карнавалдық киімдерге орындар беріліп, жеңімпаздар сыйлықтармен марапатталды. Шырша мерекесі би кешіне ұласты.
*Мереке күндері Самар ауылында "Ерікті халық жасағы" жұмыс жасады. Оны жүзеге асыру үшін Самар ауылындағы барлық мекемелердің өкілдері тартылды. Жасақ полиция қызметкерлерімен бірге жүрді. Ерікті жасақшылар 2017 жылдың 30 желтоқсаны мен 2018 жылдың 2 қаңтар аралығында сағат 20.00-ден 23.30-ға дейін ауыл көшелерін аралап, бақылады. Бұл іс-шара мақсаты ауылдағы тәртіпті қадағалау және ұсақ қылмыстың алдын алу болып табылады.

Е.Сауых, жетекші маман

Пікір: