Жаңа жылдың алдында Елбасы «Қазақстан Республикасының кейбір заңнамалық актілерге кәсіпкерлік қызмет үшін жағдайды түбегейлі жақсарту мәселелері бойынша өзгерістер мен толықтырулар» туралы Қазақстан Республикасының Заңына қол қойды. Осыған орай «Жол жүрісі туралы» Заңы қайта жанданып, бірнеше тармақ өзгерді. Көлік жүргізуге сенімхат алынып тасталды, сонымен қатар, пайдалану мерзімі 7 жылдан кем емес, не болмаса коммерциялық қызметте пайдаланылмайтын көліктерге міндетті техникалық байқау жүргізу қысқартылды. Сондай-ақ, «Жол қозғалысы» туралы Заңына сәйкес, «Елді мекендердегі жолдар мен көше бойларының арнайы белгіленген орындарынан басқа жеріне көлік қоюға салынған тыйым» нормасы алынып тасталды.

Сонымен қатар, осы жылдың 7қаңтарынан бастап Жол қозғалыс ережесінің жаңа редакциясы жұмыс істей бастады. Ал, «Нормативтік құқықтық актілер» туралы заңға сәйкес, «Бір деңгейдегі нормативтік құқықтық актілердің нормаларында қайшылықтар болған кезде қолданысқа кейінірек енгізілген актінің нормалары қолданылады», яғни қазіргі жағдайда жаңа жол қозғалыс ережесінің заңды күші бар.

Тағы бір айта кететін, ҚР ІІМ-нің баспасөз қызметі 1 қаңтардан бастап, сенімхатты алып тастау және көлікті қоюға тыйым салу бойынша нормалар жүзеге асырылады, олармен заң талаптарына сай өзгерістер енгізу бойынша Үкіметтің қаулы жобасы дайындалып жатқаны туралы мәлімдеді.

Құжаттамаларға жеңілдіктер енгізумен қатар, құқықбұзушылық үшін қатаң жаза қолдану да енгізілді. Жаңа жылдан бастап «Әкімшілік құқық бұзушылық туралы» Қазақстан Республикасының Кодексі заңды күшіне енгені туралы естеріңізге сала кетейін. Онда анықталған нормаларды сақталмағаны үшін айыппұл сомасы өсті. Мысалы, маневр жасау ережесі бұзылғаны үшін санкциялар 3-тен 5-ке дейін АЕК мөлшерінде өсті. 1 қаңтардан бастап 1 АЕК/айлық есептік көрсеткіш/-1982 теңге.

Сонымен бірге, көлік басқару құқығынан айырылған тұлға, мас күйінде көлік жүргізе отырып, абайсызда адам денсаулығына орта ауырлықтағы зиян келтіріп алғаны үшін жаңа Қылмыстық кодексте бас бостандығынан айыру жазасын тағайындау көрсетілген. Сол себепті, көлік жүргізу құқығынан айырылған тұлғаларға рөлге отырмас бұрын, ақыры неге алып келіп соғатынын ойлауы қажет.

Жүргізушілерге қысқартылған өндіріс тәртібімен айыппұлды 50% жеңілдікпен төлеуге мүмкіндік пайда болды. Ол үшін құқықбұзушы құқықбұзушылық жасалған мезеттен бастап 7 күн ішінде төлеуі керек. Осы кезде қысқартылған өндіріс, егер жүргізуші жасалған құқықбұзушылық фактісімен келісіп, кінәсін мойындап, еркіті түрде айыппұлды төлеуге дайын және ешқандай кінә қоймаған жағдайда жүзеге асырылады.

Бірақ, айта кетер жайт, бұл жеңілдік егер құқықбұзушылық сертификатталған арнайы автоматты тәртіпте жұмыс істейтін бақылау –өлшеу техникалық құрылғысымен тіркелген жағдайда, айыппұлдың толық сомасын төлеуге тура келеді.

Темір тұлпарды тізгіндеген әрбір жүргізушіні қазір қолданысқа енген және енетін жол жүру ережесі туралы заң алаңдатпай қоймайды. Енді күндіз де көлік шамын жағып жүруіміз міндетті. Себебі жаңа ЖҚЕ-не сәйкес күндізгі жүру жарығын пайдалану қажет, яғни, көлік құралын жүргізіп келе жатқанын білдіру мақсатында, көліктің жақын жарық шамы күндізгі уақытта да жанып тұруы қажет. Егер жол ережесін бұзған жағдайда жол-патрульдік полициясының қызметкері сізді тоқтатар болса, көліктен түспей оны күту де жаңа ережеде қарастырылған.

Жол жүру Ережесінде 12 жасқа дейінгі балаларға да көңіл бөлінген. Оларды арнайы ұстап тұратын құрылғысыз тасымалдауға тыйым салынған. Сол себепті автобөлегіш, жастықша-бустерлер және басқа да баланы қауіпсіздік белдігімен ұстап тұруға арналған белдіктерді қолдану қажет.

Күре жолда жылдамдықты 100-ден асырсаңыз, бұл да заң бұзғандығыңыз. Көлік сыртына сурет жапсыруға да енді қатаң тыйым салынады.

Сондай-ақ, ЖЖЕ-де көмекші құрал арықыл жүретін көлік жүргізушілерге жағдай жасалды. Көлік құралын басқаратын мүгедектерге немесе олардың қамқоршыларына тыйым салатын жол белгілеріне таратылмайды. Мысалы: «Көлік қоюға тыйым салынады». Шектелген мүмкіндіктері бар адамдар көлік құралын елді мекендердегі көлік қоюға тыйым салынған жол белгілеріне көлікті тоқтата алады. Егер ол жаяу жүргіншілерге кедергі келтірмесе, онда автокөлік тыйым салынған белгінің қасында қалдыруға болды.

Жаңа жылдан бастап Денсаулық сақтау министрлігі дәрі қобдишасының құрамын өзгертті, бірақ дәрі қобдишасының жаңадан сатып алуға жүргізушілер міндетті емес. Тек қана жетпейтін дәрі-дәрмекті сатып алса болғаны. Осылайша өз бетімен дәрі қобдишасын жасақтап алуға болады. Дәрі-дәрмек қобдишасының жаңа құрамы еуропа және Россия мен Беларусия мемлекеттерінің дәрі –дәрмек қобдишасының құрамына сәйкес әзірленген.

Барлық көлік жүргізушілеріне айтарым жолда зейін болыңыздар, ЖЖЕ қатаң сақтаңыздар және көлік - жол жүру құралы ғана емес, ол жоғары қауіптілік көзі екенін ұмытпаңыздар!

 Н.Нұралинов. Көкпекті ауданының

№ 2 аудандық сотының төрағасы 

Ағымдағы жылдың 14 наурызында Көкпекті ауылының Ж.Шай-жүнісов атындағы орта мектепте аудандық Жастар орталығының ұйымдастыруымен Қазақстан Халқы Ассамблеясының 20 жылдығына орай «Жастар тандауы – салауатты өмір» атты мекемелер мен ұйымдар арасында шағын футболдан турнир өткізілді. Турнирге Ж.Шайжүнісов атындағы орта мектеп, қазынашылық басқармасы, аудан әкімі аппараты, РЭС, қазақтелеком, аудандық орталық аурухана, Көкпекті жас-тары және Жастар командалары қатысты. Тартысты өткен турнирде «Жастар» командасы – 1 орын, «Көкпекті жастары» - 2 орын және Ж.Шайжүнісов атындағы орта мектеп - 3 орынға табан тіреді. Турнир нәтижесі бойынша Қожаев Азамат (Қазақтелеком) «Үздік ойын-шы» номинациясымен марапатталды. Барлық жүлдегерлер мен жеңімпаздар турнир соңынан мадақтау қағаздары және бағалы сыйлықтармен марапатталды.

 Бірлік Бексолтанов, Жастар орталығының маманы

Жақында 2001-2002 жылы туылған жасөспірімдер арасында бокстан Шығыс Қазақстан чемпионаты Аягөз қаласында өтті.

Облыстың түкпір-түкпірінен 15 команда жиналып, 150-ге жуық былғары қолғап шеберлері қатысты. Осындай намысты додада біздің ауданның боксшысы, бірнеше рет жеңімпаз атанып жүрген, Преображенка орта мектебінің 7 сынып оқушысы Евгений Черкашин 70 келі салмақта өнер көрсетті. Бапкері Алмас Байжомартұлының айтуынша, ол жартылай финалда Зайсанның боксшысын жеңіп, финалға шыққан екен. Облыстық жарыстан Көкпекті ауданының атынан өнер көрсеткен былғары қолғап шебері Евгений ІІ орынға ие болды.

Ауданның атын шығарып жүрген Евгенийге жеңісті күндерің таусылмасын, ал, бапкері Алмас Мизамитовқа жеңісті қолдан бермейтін шәкірттеріңіз көбейе берсін демекпіз.

Жанерке АБЫЛХАН

Ұлы Жеңістің 70 жылдығына орай Ақой ауылы А.С.Пушкин атындағы орта мектебінде валейболдан ауылымыздың тумалары Болат Құрманұлы Жармұханбетов, Қайрат Советбекұлы Дюсенбаев, Марат  Бидахметұлы Садықов, Марат Қариұлы Қойбағаров сынды жеке шаруақожалықтарының демеушілігімен турнир өткіздік. Алты ауылдан құралған топты тамашалауға «Нұр Отан» партиясының және аудандық  спорт бөлімінің қызметкерлері, ауылдың азаматтарын А.С.Пушкин атындағы орта мектеп оқушылары флешмоб биімен қарсы алды.

Мектеп директоры Б.Бағисова қатысушыларға сәттілік тілеп, өсіп келе жатқан жастарға салауатты өмір салтын ұстанудың, дене шынықтырумен айналысудың ерекшеліктерін айта келіп, турнир Ұлы Жеңістің 70 жылдығына арналғанына тоқталып өтіп, және I-ші орын – 50000, II-ші орын -20000, III-ші орын – 10000 ақшалай сыйлық және марапаттаулар бар екендігін жария етті.

Ақтық сында сүзгіден өтіп, іріктеліп I-ші орынды «Үлгілімалшы» , II-ші орынды Мамай ауылы, III-ші орынды Преображенка ауыл жас-тары иеленді.

Турнирді ұйымдастыруға үлкен үлесін қосқан дене шынықтыру пәнінің мұғалімі Д.Майлыбаев пен ауылдың белсенді мүшесі Ә.Бекшоинова және мектеп ұжымына алғыс айтып, жаңа белестерді бағындыруға жігерлене түсетін жастарымыз көбейе берсін деп тілейміз.

А.Смағұлова, тәлімгер, Ақой ауылы