Оқушылар шығармшылық сарайы – ауданымыздың білім беру саласындағы жетекші мекемелердің бірі. Аудан орталығында орналасқанымен, бүгінгі күнге дейін көптеген талантты жастарды тәрбиелеп, тізгін ұстар ел азаматтарын түлетіп ұшырды. Олардың әрқайсысы өз саласында жемісті еңбек етуде.
Бүгін Оқушылар шығармашылық сарайында жоспарға «Бүгінгі түлек – ертеңгі тірек» атты түлектермен кездесу ұйымдастырылды. Басқосуға сурет үйірмесінің түлегі Ерланов Сұңғат пен домбыра сыныбының түлегі Ахан Гаухар келді. Түлектер кездесудің тізгінін директордың тәрбие ісі жөніндегі орынбасары Айнұр Сабырбекқызы алып, кештің мақсаты мен міндетіне тоқталып өтті. Ерланов Сұңғат Семей қаласындағы Шәкәрім университетінің «Дизайн» мамандығының 4 курс студенті. Ал, Ахан Гаухар Мұқан Төлебаев атындағы музыка училишесінің 2 курс студенті. Кездесу барысында сөз алған түлектер алғашқы мұғалімдерін еске түсіріп, оқушы кездеріндегі жылы естеліктерімен бөлісті. Сонымен қатар олар бүгінгі күні мемлекет тарапынан жастарға арналған түрлі мемлекеттік бағдарламалар туралы айтып, тек білім алу қажеттігін жеткізді. Бұдан өзге олар мамандық таңдау туралы өздерінің кеңестерін беріп, тәжірибелерімен де бөлісті. Осылайша артынан ерген іні-қарындастарына ақылдарын айтқан түлектер бастысы жан-жақты болуға шақырды. Кездесуде оқушылар түлектерге түрлі сұрақтар қойып, тиісті жауаптар алды.
Кеш соңында сөз алған мектебіміздің директоры Асқар Дүйсенбекұлы аталған білім ордасында Назым Жұмабекқызы, Айдана Ермекқызы сынды алдыңғы буын жастардың қазіргі таңда қалтықсыз еңбек етіп жатқанын мақтанышпен жеткізіп, кейінгі түлектерде ел үшін аянбай жұмыс жасап жатқанын сөз етті.

Оқушылар шығармашылық сарайының ақпараты

Абай облысы білім басқармасының «Өңірлік психологиялық қолдау әдістемелік орталығы» КММ 2024 жылғы 26 қарашадағы № 84 хаты негізінде 25 қараша елімізде зорлық-зомбылықты жоюға және балалардың құқықтарын қолдауға бағытталған «Зорлық-зомбылыққа қарсы 16 күндік белсенді іс-қимыл» халықаралық акциясы басталған болатын. Соған орай «Көкжайық орта мектебінде 3 желтоқсан күні іс-шара жоспарына сәйкес, 7-11 сынып оқушыларымен «Зорлық-зомбылықсыз балалық шақ!» тақырыбында оқушыларға зорлық-зомбылықтың түрлері мен оның салдары туралы түсінік беру, мейірімділік, құрмет, бір-біріне көмек көрсету құндылықтарын насихаттау арқылы зорлық-зомбылыққа қарсы көзқарас қалыптастыру мақсатында тренинг өткізілді. Тренинг барысында оқушылар зорлық - зомбылық (буллинг, кибербуллинг) туралы мағлұмат алып, адамның жаны мен тәніне үлкен зардап әкелетін соққы екенін түсінді. Тренингте балалар өз орталарында мейірімді болуға, бұзақылық істерге бармауға, бойларындағы адами қасиеттерін сақтауға үйренді. Жағдаяттық сұрақтарға белсенді жауап беріп, қызығушылықтарын танытты.
Немістің ұлы ақыны В. Гете серуенге шығарда қалтасына түрлі гүлдердің тұқымын салып шығып, шалғындардан, орманнан өткенде, тауға шыққанда гүл тұқымдарын сеуіп жүруді жаны сүйген. Оның жүрген жерлері мезгілі келгенде керемет гүлдер өсіп шығатын. Гете сепкен гүл ме, әлде табиғи жолмен өздері көктеді ме, оны білу міндетті емес. Дегенмен сұлулық әлемі, әсемдік әлемі байыды. Сол сияқты дүниеде зорлық-зомбылық болмаса адам өмірі, адамзат дүниесі сұлу да әсем болар еді.
Ақпарат беруші мектеп психологы:

Орынбекова М.К.
Мектеп директоры: Нукушева С.Т.