2022 жылғы 3 ақпан күні аудан әкімі Раджан Қайрқанұлы Сейтқанов Самар ауылдық округінің жергілікті қоғамдастық өкілдерімен кездесу өткізді. Бірінші отырыс барысында Самар ауылдық округінің әлеуметтік-экономикалық дамуының жай-күйі, ағымдағы жылға арналған жоспарлар мен міндеттерді жан-жақты талқылап, қатысушылар пікірлерімен бөлісті, ұсыныстарын ортаға салды.
Кездесу барысында ауыл шаруашылығы саласының еңбек ардагері, тәжірибелі басқарушы Виктор Николаевич Лопаткинге «Көкпекті ауданының Құрметті азаматы» атағы берілді.

Виктор Николаевич «Ленин» колхозын басқарған жылдары ауылдың және жалпы ауданның әлеуметтік-экономикалық дамуына өлшеусіз үлес қосты. Оның басшылығымен Ленин атындағы колхоз одан әрі дамып, бүкіл облысқа және одан тыс жерлерге танымал болды.
Сондай-ақ ауыл шаруашылығын дамытуға қосқан лайықты үлесі үшін ел Тәуелсіздігінің мерекелік медалімен «Дюсупов» шаруа қожалығының басшысы, Самар ауылдық округі жергілікті қоғамдастығының төрағасы Ержан Қабдуғалиұлы Дүсіпов марапатталды.
Самар ауылдық округінің әкімі Ахмет Фазылұлы Күдербаевқа туған күніне орай аудан әкімінің "Алғыс хаты" табыс етілді.
Раджан Қайрқанұлы марапат иелеріне естелік сыйлықтарды табыстап, марапаттарымен шын жүректен құттықтады. Барлығына мықты денсаулық, отбасылық бақыт пен амандық, істеріне толағай табыс тіледі.

Пікір: