Қоғам өмiрінде шешiмi табылмай тұрған мәселелер өте көп. Оның бірі – жемқорлық. Елiмiзде осы мәселеге арнайы қабылданған заңдар да, атқарылып жатқан жұмыстар да баршылық, бiрақ бұл мәселе әлi толық шешiмiн тапқан жоқ.
Осы үлкен мәселеге байланысты көптеген шаралар еліміздің аумағында аз емес. Көкжайық ауылында да «Жемқорлыққа жол жоқ!» атты дөңгелек үстел өткізілді.

Бұл іс-шараға әкімшілік ұжымы, мәдениет қызметкерлері және ауыл тұрғындары қатысты, жемқорлық не екенін, оның қандай кері әсерлері бар екені туралы, ауыл әкімі Қ.Ахметқалиев мәлімдеді. «Сыбайлас жемқорлық заман ағысымен бірге өсіп-өркендеп, мол қаражат және қоғамдық бәсекелестік пайда болған жерлерге тамырын жайып, бүгінгі күнге дейін жойылмай отырған кеселдің бірі. Бұл кесел дамушы елдердегідей біздің жас мемлекетімізге де көп зияның келтіріп отыр», - деген ойды жеткізді. Іс-шара соңын қорытындылай келе, жемқорлықтың жаман әсерлері туралы бейнебаяндар көрсетілді.
Біздің қоғамда сыбайлас жемқорлыққа орын жоқ. Қоғамның барлық күш-жігерін біріктіріп, осы дерттің одан әрі ушықпауы үшін оны тоқтатудың барлық амалдарын қолдану керек. Сыбайлас жемқорлықпен күресу барлық Қазақстан Республикасы азаматтарының борышы.

Көкжайық ауылдық округі

Пікір: