Ағымдағы жылдың 20 тамызында Көкпекті ауданының Жастар ресурстық орталығының ұйымдастыруымен «Жасыл ел» еңбек жасақтарының XVII еңбек маусымының жабылу салтанаты өткізілді.
Ауданымызда жыл сайын жастар белсенділігі өсіп келеді. Соның бір айқын дәлелі «Жасыл ел» еңбек жасақтарының қозғалысын жаңғырту бойынша Елбасы Нұрсұлтан Әбішұлы Назарбаевтың жалпыұлттық бастамасын жүзеге асыру. “Жасыл Ел” бағдарламасы бойынша жұмысқа тартылатын жастардың саны да жыл санап артуда. Құрамында жұмыс жасайтын жастар 16-29 жас аралығын құрайды. Ауданымызды көгалдандыру мен тазалығын сақтауға, жас ұрпақ бойына патриоттық тәрбие беруге үлес қосып келе жатқан жобаға 15 - тен астам жастар жұмылдырылды. Олар тек қана көгалдандыру жұмыстарын ғана емес, сонымен қатар халықаралық «Бір өзен – бір тағдыр», «Ардагерлерді ардақтайық» қайырымдылық акцияларын қолдап, тұрғындарға вакцина жөнінде түсіндіру парақтарын тарату жұмыстарын атқарған. Бұл туралы Жастар орталығының директоры Гүлмира Ордаханова баяндап берді.

Толығырақ...

Қойгелді Аухадиев атындағы ауылдық округі әкімі аппаратының мамандары жергілікті тұрғындармен коронавирусқа қарсы вакциналау бойынша ақпараттық-түсіндіру жұмыстарын жүргізуде.
Санитарлық талаптарды сақтау және әртүрлі жастағы адамдарға коронавирустық инфекцияға қарсы вакцинация жүргізу қажеттілігі түсіндірілді. Вакцинацияның басты мақсаты - иммундық реакцияны тудыру, адамның организмін COVID-19 инфекциясына төзімді ету. Вакцинация - инфекцияны болдырмаудың және адам өмірін құтқарудың қауіпсіз және тиімді әдісі. Көптеген адамның өмірін жалмаған бұл вирусқа бірден бір тосқауыл болатын қару – вакцинация. Халыққа түсіндіру жұмысы әлі де жалғасытырылуда. Себебі тұрғындардың санитарлық шараларды сақтауы - өздерінің денсаулықтарына қалқан болғаны.
Егер біз вакцинацияланған болсақ, біз өзімізді ғана емес, жақындарымызды да қорғай аламыз.

1 мамыр – Қазақстан халқының ыңтымақ пен бірлік күні. Бұл күн – әрбір қазақстандық үшін Отанға деген сүйіспеншілік пен патриоттық сезімнің азаматтық борыш пен жалпы ұлттық келісімнің мерекесі.
Мейрам қарсаңында Ж.Шайжүнісов атындағы орта мектебінің ұжымына көпбалалы ана Салтанат Шарипова оқушы қызына киім-кешекпен көмек көрсету туралы өтініш білдірді.
Көкпекті ауданының полиция бөлімінің жеке құрамы бұл өтінішті аяқсыз қалдырмай, оқушы баласына өзі қалаған спорттық кос-тьюм мен аяқ киім, үйіне азық-түлік, балаларына ойыншық сатып алып табыстады. Көпбалалы ана аудандық полиция бөлімінің қызметкерлеріне аналық алғысын білдірді.

ШҚО ПД Көкпекті аудандық ПБ баспасөз қызметі

«Жасыл ел» жасағы жарап тұр. «Жасыл ел» - жан-жағына, қоғамға бей-жай қарай алмайтын белсенді жастарға арналған жоба. Қоршаған ортаны көгалдандыру, табиғатты қорғау және жастарды жұмыспен қамту мақсатында қолға алынған іс. Мемлекеттік бағдарлама Көкпекті ауданында сәтті іске асуда. Осының арқасында киелі өлкенің жері көркейіп, елі еңсесін тіктеп келеді. Жобаға жыл сайын жүздеген жастар тартылуда.

Көкпекті ауылында абаттандыру жұмыстары қарқынды жалғасуда. «Ұлы дала елі» алаңында шағын архитектуралық формаларды бояу, Абай көсесінде қалың өскен шөптерді шабу шаруасы тындырылды. «Жасыл Ел» сарбаздары Бармақ батыр көшесінде орналасқан саябақта өскен қалың шөпті шауып, жинау жұмыстарын жүргізді.

Ауылдық округ әкімдігінің ақпараты

Биыл Чернобыль атом электрстанциясындағы ядролық апаттың орын алғанына 35 жыл толып отыр. Осыған орай ауылдық округ әкімшілігі радияциялық апаттың зардабын жоюға қатысқан ардагерлерді марапаттады. Чернобыль апатына қатысқан жерлесіміз Габдулхай Загиевич Мулюковтың шаңырағына барып, құрмет көрсетті. Аудандық ардагерлер кеңесінің төрағасы Мұқашев Слямбек Насырбайұлы мен Көкпекті ауылдық округі әкімінің міндетін атқарушы Серік Байсеңгіров аудан басшысының атынан құттықтап, Чернобыль оқиғасына 35 жыл толуына орай, дайындалған төс белгісі мен естелік сыйлық табыс етті.

Ауылдық округ аппараты

Директор-редактордың блогы

Көкпекті аудандық

 «Жұлдыз - Новая жизнь» 

газетінің сайтына қош келдіңіздер!

Біздің заманымыз – күнделікті өмірімізге дәстүрлі, қарапайым іс-әрекеттерімізді жаңа әрі жетілдірілген түрімен алмастыра отырып енген жаңа технологиялар уақыты. Бүгінде ғаламтор өміріміздің белсенді бөлігіне, қарым-қатынас орнатудың ыңғайлы және заманауи үлгісіне айналып отыр.

Соған сай, біздің газетіміз ашық пікір алмасуға әрдайым дайын. Сіздердің әр пікірлеріңізге қуана жауап береміз және редакция тарапына қойылған қандай сауалдарыңызды да жауапсыз қалдырмауға тырысамыз. Газет сайтынан ауданымыздың ең соңғы жаңалықтарымен таныс болумен қатар, көптеген жаңа және танымдық материалдарды таба аласыздар. Пікірлеріңіз бен тілек-ниеттеріңізді Facebook, Вконтакте әлеуметтік желілеріндегі парақшамызға жолдай аласыздар. Әріптестігіміз қызықты, жаңашыл әрі пайдалы болады деген үміттемін!

Құрметпен Көкпекті аудандық «Жұлдыз» - «Новая жизнь» газетінің директор-редакторы Д.Б.Дюсембаев. 

 

 

Күнтізбе

<< < Қыркүйек 2021 > >>
Дс Сс Ср Бс Жм Сб Жс
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30      

Қаралым санағы

HotLog

Біз әлеуметтік желідеміз