Тәуелсіздік-кез келген мемлекеттің басты байлығы. Әр мемлекет тәуелсіздікке әртүрлі жолмен төңкеріс, соғыс, ұлт-азаттық соғыс арқылы жетеді. Қазақстан үшін 1986 жылғы "Желтоқсан оқиғасы" халықтың егемендік пен өзін-өзі билеуге ұмтылуының бастауы болды. 1991 жылы 16 желтоқсанда Қазақстан Республикасының Жоғарғы Кеңесі «Қазақстан Республикасының мемлекеттік тәуелсіздігі туралы» Конституциялық заң қабылдады. Биыл біз басты мемлекеттік мереке – Тәуелсіздік күнін, «Қазақстан Республикасы» деп аталатын егеменді мемлекеттің құрылғанына 30 жыл толуын атап өтеміз. Ел Тәуелсіздігінің 30 жылдығын тойлау қарсаңында Самар ауылдық округінде бірқатар ауқымды шаралар өтті.
«Дәншік» балабақшасына - 50 жыл
Біз бәріміз бала кезімізден, яғни балабақшадан тәрбие бастауын аламыз. Кеңес дәуірінде «Теремок» балабақшасының есіктері алғаш ашылған күннен бастап елу жыл өтті. Ал қазір – алғашқы «дән» егу деген мағынаға саятын «Дәншік» балабақшасы деп атала-ды.
Мектепке дейінгі мекеменің «алтын» мерейтойына арналған мерекелік іс-шараға аудан әкімі Р.Сейтқанов, аудандық мәслихат хатшысы Т.Сарманов, аудандық ардагерлер кеңесінің төрағасы С. Мұқашев, «Нұр Отан» бастауыш партия ұйымының аудандық филиалы төрағасының орынбасары Р. Кемербаева, Көкпекті ауданының Құрметті азаматы Б. Қожамбетов, Самар ауылдық округінің әкімі А. Күдербаев, мекеме ардагерлері, округ кәсіпкерлері, балабақша топтарының ата-аналар комитеттерінің төрағалары және басқа да тұлғалар шақырылды.

29 қазан күні Қалихан Алтынбаев атындағы аудандық мәдениет үйінде әлеуметтік қорғау жүйесінің қызметкерлеріне арналған мерекелік іс-шара өтті.
Бұл 10 жыл бұрын бекітілген Қазақстан Республикасындағы ең жас кәсіби мерекелердің бірі. Ол өзінің жанқиярлық еңбегі мен тынымсыз қамқорлығымен егде жастағы адамдарға қызмет ететін, мүмкіншілігі шектеулі жандарға, аз қамтылған және көп балалы отбасыларға көмек көрсететін, барлық адамдарға деген шынайы құрметті білдіреді. Бізде қоғамның тұрақтылығы мен әл-ауқаты көбінесе Халықты әлеуметтік қорғау мен әлеуметтік кепілдіктер деңгейіне байланысты.