2-3 мамыр күндері Дзюдо күресінен облыстық «Толағай» атты жарыс болып өтті. Мұнда облыстың әр өңірінен 175-ке жуық спортшы татами бәсекесінде жүлделі орындарды сарапқа салды. Атап айтсақ, Ақтөбе, Семей қалалары және Зайсан, Тарбағатай, Ұлан, Жарма мен Көкпекті ауданының спортшылары дзюдодан облыстың үздігі атану үшін жарыс жолына шықты.
Бәсеке барысында 2007, 2008, 2009, 2010 жылы туылған жасөспірім, кіші жасөспірім балалардың арасында салмақ дәрежесінде сынға түсті. 2007-2008 жылы туылған 26-29, 32-35, 38-42 келі салмақ дәрежелерінде белдесті. 2009-2010 жылғы балуандар 23-26,29, 32-35 және 35 келіден жоғары салмақ дәрежесінде күресті. Бұрымдылар бесекесі қыз балалар 32-36 келі салмақ дәрежесінде белдесті. Жалпы облыстық жарыс қорытындысы бойынша Көкпекті ауданының балалар мен жасөспірімдер спорт мектебі 7 алтын медальді жеңіп алды. Атап айтсақ, І орынды Е.Сейтаханов, Б.Атапкел, Н.Сейтаханов, Д.Тұрлыбаев, Ә.Дәукенов, Д.Ордаханова, Е. Сәлімова жеңіп алса, ІІ орынды 5 спортшы Р.Құралбеков, Н.Айдарұлы, Д.Смағұлов, М.Болатбекова, Н.Серіков иеленді. Ал, 7 спортшы Т.Мұрат, С.Аханов, Ж.Бақыткамелов, Ш.Төлеуханов, Ұ.Эрталеп және Ж.Миғраж ІІІ орынды місе тұтты.

Облыстық жарыста жалпы командалық медаль саны бойынша Көкпекті ауданының балалар мен жасөспірімдер спорт мектебі І орынды иеленіп, үлкен кубок берілді. ІІ орын Семей қаласы, ІІІ орынды Ақтөбе қаласы ие болды. Бұқаралық спортты дамытуға және жасөспірімдер арасында салауатты өмір салтын насихаттауға арналған спорттық сайыс 2 күнге созылды. Жеңімпаздар арнайы диплом мен медальдармен марапатталды.
Көкпекті ауданының балалар мен жасөспірімдер спорт мектебі және дзюдо күресінен жаттықтырушы Ө.Төлеубеков спорттық шараға демеушілік көмек көрсеткен ата-аналар комитетіне өз алғыстарын білдіреді.

Шолпан АСЫЛБЕКҚЫЗЫ

Пікір: