Қоғамның армиямен байланысын нығайту, әскери қызметшілер бойында қазақстандық патриотизм, интернационализмді қалыптастыру, Қазақстан Респу-бликасының Қарулы Күштері қатарында қызмет етуді мақтан тұту, аға ұрпақтың жауынгерлік дәстүріне, әскери борыш пен әскери антқа адалдық сезімдерін тәрбиелеу - әскери тәртіпті, тұтастай алғанда, ұрысқа әзірлікті күшейтуге осы әскери-далалық жиыны ықпал етеді.
Бұл орайда жасөспірімдердің әскери-далалық жиынында алған іс-тәжірибе шеберліктері де өз үлесін қосады. Әскери дала жиынын сапалы өтуіне оқу материал базасы көп рөл ойнайды. Аудан мектептерінің 10-сынып оқушылары Жақия Шайжүнісов атындағы орта мектепте бес күндік әскери-далалық жиынын өткізуге жиналды. Жиынға барлығы 70 курсант жиналып, төрт взводқа бөлінген. Лагерь бастығы ауданға белгілі тәлімгер Октябрь мектеп-балабақша кешені мұғалімі Василий Петрович Онищенко тағайындалған.

Аудандық штаб бастығы Асылбек Асаубаевтың айтуы бойын-ша: - Бес күндік әскери-далалық жиынын өткізу барысында ең бірінші басталуы туралы бұйрық шығарылады. Сабақты және тақырыптарды жоспарға сәйкес тактикалық алаңда өткізу. Бес күндік әскери-далалық жиынына қатысатындардың саны – 70 адам. Жиын өту барысында бөлім және бөлімше командирлері болып – 1-взводқа Кали Қыдырбай, 2- взводқа Олжас Токушов, 3-взводқа Ерболат Көкенов, 4-взводка Мереке Калелов тағайындалды, - деді мән-жайды түсіндіріп.
Сонымен қатар әр курсанттың денсаулығы туралы анықтамасы, өзімен бірге қандай заттары болатындығы ескерілген. Оларда далалық киім «камуфляж» бас киім (пилотка), противогаз ГП-5, тәулікке құрғақ тамақ, рюкзак, аспалы сөмке, белдік қайыс, суға арналған фляжка арнайы қорапта, ағаштан жасалынған пышақ, қораптағы қол гранатасының 2 болванкасы, АКМ автоматының ағаш макеті, топографиялық карта, дәптер, Алғашқы әскери дайындығы оқулығы, қаламсап, қарандаш, жіп ұзындығы 1,5 м болуы керек.
Оқу-жаттығудың әскери–далалық жиынында курсанттар Алғашқы әскери сабақтарынан үйренгендерін, алған білімдерін практикада колданып, даярлықтарын шыңдайды. Жиынға қатысушы жасөспірімдерге тактикадан, саптағы дайындықтан, дене тәрбиесі даярлығынан, саяси оқудан сабақтар өткізіліп, сынақтар тапсырылады. Әр күнге арналған жауынгерлік парақ шығарылады.

Қайрат Малғаждаров

Пікір: