Көкпекті ауданында оқу жылын 187 түлегі аяқтады, оның ішінде 21 «Алтын белгі» және 5 «Үздік аттестат» иегерлері бар. Ұлттық бірыңғай тестілеу 2020 жылдың 28 маусымында бір ағынмен өтті.
Біздің ауданда Ұлттық бірыңғай тестілеу ағымдағы жылдың 28 маусымы күні бір кезеңде өткізілді. Оған аудан мектептерінің 134 түлегі қатысты. Тестілеу кезінде барлық санитарлық-эпидемиологиялық талаптар сақталды. Атап айтсақ, ұйымдастырушылар мен қатысушылар арасында 2 метрден кем емес ара қашықтық сақтау, дезинфекция жасайтын тоннельде өңдеу өткізу, қолды және аяқ киімді антисептикпен өңдеу сияқты шаралар қабылданды. Аудандық аурухана қызметкерлері тестке қатысушы түлектердің тепловизор аспабы арқылы дене температурасын өлшеді. Сонымен қатар әрбір ҰБТ қатысушысына респираторлық маскалар мен қолғаптар таратылды.

Мемлекеттік комиссия мүшелері әрбір түлектің жеке басын сәйкестендіріп, тыйым салынған заттарды (ұялы телефондар, планшеттер, смарт сағаттар, шпаргалкалар) алып өтуге жол бермеу мақсатында металл іздегіш құралмен тексерді. ҰБТ таңертеңгі сағат 9.00 - де басталып, 13.00-де аяқталды. Тестілеу уақыты ҚР БҒМ-мен 4 сағат болып белгіленді.
ҰБТ-ны өткізуге БСБД өкілі, ҚР БҒМ, ҚР ҰҚК өкілдері, бақылаушылар, мемлекеттік комиссия мүшелері және Көкпекті ауылындағы №861 филиалының ҰБТӨП қызметкерлері қатысты. Айтып өтсек, Ұлттық бірыңғай тестілеуді тапсыру барысында бірде-бір ҰБТ ережесіне сай құқықбұзушылық анықталған жоқ. Аудан бойынша ҰБТ-ның орташа балы - 67 -і құрады. 3 түлек 115 балдан жоғары ұпай жинады. Олар: 128 - Лескен Асылнұр (Ж.Болғанбаев атындағы Самар орта-мектеп лицейі), 116 - Құмарбекова Гүлім Мұхамеднұрқызы (Абай атындағы мектеп-балабақша кешені, Мұқиятқызы Аяна (Көкпекті орта мектебі). 100-ден жоғары балды 11 түлек алды. Шекті деңгейдегі ұпайды ала алмаған 10 түлек 49 балл және одан төмен балл жинады.

Шолпан АСЫЛБЕКҚЫЗЫ

Пікір: