04 Сәуір 2022
ОТЧЕТ АКИМА РАЙОНА В НОВОМ ФОРМАТЕ
- Article Details
Согласно Указу Президента, отчетные встречи с населением теперь будут проходить в новом формате. Акимы областей и городов должны встречаться с населением дважды в год, акимы районов и сельских округов – ежеквартально. Еще одной особенностью является то, что с этого года аким района будет встречаться с населением не только в центрах сельских округов, но и во всех населенных пунктах района, выслушивать потребности и жалобы населения. Отчетные встречи акима Кокпектинского района Раджана Сейтканова с населением начались 24 марта в селах Шугылбай, Мелитополь, Теректы, Преображенка, Черноярка и Укиликыз. 25 марта продолжились в селах Карагандыколь, Сулеймен, Ульгулималшы, Нура, Мамай, Кокжайык, Акой и Карамойыл.
АУДАН ӘКІМІ ЖАҢА ФОРМАТТА ЕСЕП БЕРУДЕ
- Article Details
Президент жарлығына сәйкес ендігі уақытта халық алдындағы есептік кездесулер жаңа форматта өткізіледі. Облыс және қала әкімдері жылына екі мәрте, ал аудан және ауыл әкімдері тоқсан сайын жұртшылықпен жүздесулері тиіс. Тағы бір ерекшелігі биылғы жылдан бастап аудан әкімі тек ауылдық округ орталықтарында ғана емес, ауданға қарасты барлық елді мекенде халықпен кездесу өткізіп, тұрғындардың мұң-мұқтажы мен арыз-өтінішін өз құлағымен естиді. Көкпекті ауданының әкімі Раджан Сейтқановтың тұрғындар алдындағы есептік кездесулері 24 наурыз күні Шұғылбай, Мелитополь, Теректі, Преображенка, Черноярка және Үкіліқыз ауылдарынан басталды. Есептік кездесулер 25 наурыз күні Қарағандыкөл, Сүлеймен, Үлгілімалшы, Нұра, Мамай, Көкжайық, Ақой және Қарамойыл ауылдарында жалғасты.
ҰЛТТЫҚ СПОРТТЫҢ ТӨРЕСІ – ЖАППАЙ КӨКПАР
- Article Details
Көкжайық ауылында 23 наурыз күні жаппай көкпар ойынынан облыстық жарыс өткізілді. «Ер есімі – ел есінде» атауымен өткен жаппай көкпар Көкпекті ауданының айтулы азаматы болған Қайрат Дүйсембаевты еске алуға арналды. Жұршылықты дәстүрлі ойын мен ұлттық спортқа қызықтыру, бұқаралық спортты жандандыру, жастарды отансүйгіштікке тәрбиелеу мақсатында өткен жарысқа Көкпекті, Үржар, Мақаншы, Ұлан, Тарбағатай, Аягөз аудандарынан және Өскемен қаласынан келген 200-ден астам шабандоз қатысты. Көкпекті ауданынан Көкжайық, Көкжота, Бастаушы, Үлгілімалшы, Мамай, Шәріптоғай, Ажа, Тассай, Көкпекті, Биғаш, Егінбұлақ, Ақой, Аққала және Үлкенбөкен ауылының көкпаршылары келді.
Жаппай көкпарды тамашалауға қатысқан Көкпекті ауданының әкімі Раджан Сейтқанов құттықтау сөзінде Қайрат Советбекұлын еске алуға арналған жарысқа алыстан ат сабылтып, арнайы келген көкпаршы жігіттердің ұйымшылдықтарына, осындай жаппай көкпардың өтуіне ұйытқы болған аудан азаматтарына шынайы алғысын жеткізді.
Директор-редактордың блогы
Көкпекті аудандық
«Жұлдыз - Новая жизнь»
газетінің сайтына
қош келдіңіздер!
Біздің заманымыз – күнделікті өмірімізге дәстүрлі, қарапайым іс-әрекеттерімізді жаңа әрі жетілдірілген түрімен алмастыра отырып енген жаңа технологиялар уақыты. Бүгінде ғаламтор өміріміздің белсенді бөлігіне, қарым-қатынас орнатудың ыңғайлы және заманауи үлгісіне айналып отыр. Соған сай, біздің газетіміз ашық пікір алмасуға әрдайым дайын. Сіздердің әр пікірлеріңізге қуана жауап береміз және редакция тарапына қойылған қандай сауалдарыңызды да жауапсыз қалдырмауға тырысамыз. Газет сайтынан ауданымыздың ең соңғы жаңалықтарымен таныс болумен қатар, көптеген жаңа және танымдық материалдарды таба аласыздар. Пікірлеріңіз бен тілек-ниеттеріңізді Facebook, Вконтакте әлеуметтік желілеріндегі парақшамызға жолдай аласыздар. Әріптестігіміз қызықты, жаңашыл әрі пайдалы болады деген үміттемін!
Құрметпен Көкпекті аудандық «Жұлдыз» - «Новая жизнь» газетінің директор-редакторы Д.Б.Дюсембаев.
Қаралым санағы
Біз әлеуметтік желідеміз
