«Отаның үшін еңбек етсең, халқыңның сүйген ұлы боласың» дейді халық нақылы. Міне, тәуелсіз еліміз егемендігін алғанына жиырма төрт жыл толды. Ал осы тәуелсіздікті алып берген халқының қалаулы азаматы, алтын Елбасымызға үлкен алғысымды айтар едім. Себебі, біз осындай ғажап адамның арқасында ғана өз елімізде емін-еркін асыр салып, өз тілімізде бұлбұлша сайрап жүрміз. Менің ойымша Нұрсұлтан Әбішұлы Назарбаев Қазақстан Республикасының елі, халқының маңдайына біткен Тұңғыш Президент.
Нұрсұлтан атамыз - талантты тұлға, өз елін, жерін сүйетін ұлтжанды азамат. Бар өмірін еліне, жеріне, жұртына сарп еткен алаш баласын жақсы көрмейтін адам жоқ. Біз Елбасымызды сүйеміз, еліне деген ыстық махаббатын бағалаймыз.
Әуелі Алла, содан кейін Елбасыма алғысым шексіз. Меніңше осындай ғажап адам болмаса, мен бұлай мектепте тегін білім алар ма едім!? Әрине, жоқ. Мен өз Елбасымды мақтан тұтамын, себебі осындай дара тұлғамыздың арқасында ғана бейбітшілікте өмір сүріп, нұрлы күнді көріп жүрмін.
Біздің Елбасымыз - ел ағасы, жүз отыздан астам ұлт өкілін мейірімге толған құшағына сыйдырып, татулық пен бірлікте ұстауда, елімізді елу елдің қатарына қосып, жастарға көңіл бөлуде.
«Арыстандай айбатты ,
Жолбарыстай қайратты,
Қырандай күшті қанатты,

«Басқарушы болмаса, ел қадірі кетеді,
Елінде айтыс болса, ер қадірі кетеді».

Арғымақтың белі бүгіліп, ұшқан құстың құстың қанаты талған ұлан-ғайыр, шетсіз де шексіз өлке Қазақстан - менің Отаным! Туған жер дегенде жүрегім дір етіп, қаным толқып, денем ғаламат күй кешкендей болады.
Ата-бабаларымыздың арманы келешек ұрпаққа, яғни біздерге тәуелсіздік туын ұстату еді. Сол арман бүгінде орындалып отыр. Бүгінгі таңда Қазақ елі тәуелсіз мемлекет атанып, елдігінің, халықтығының белгісі, биік мәртебесі болып табылатын рухани байлығы - тілінің, тарихы мен мәдениетінің ауыр тағдырын қайта қарауға мүмкіндік алды. Халқымыз ежелден аңсаған мақсатына жетті. Ақ білектің күшімен, ақ найзаның ұшымен еліне қамал болған батырларымыз бен жарқын болашақтың, кемел келешектің жолында ел бірлігін сақтаған ұландарымыз аянбай тер төкті. Бірақ, «Ақтабанның ізі», «Желтоқсанның сызы» жүрегімізге жазылмастай жара салды. Бүгін көп ұлтты, түрлі дінді ұстанған халықты бір тудың астына біріктіріп, сүттей ұйытып отырған Қазақстан сынды ел кемде-кем. Бұл - баға жетпес құндылық.