Шәріптоғай негізгі мектебінде «Оқуға құштар – мектеп» жобасы іске асырылуда. Мектеп кітапханашысы оқушылар арасында байқау өткізді. Іс шараның мақсаты оқушыларға білімнің кітап арқылы берілетінін ұғындыру, зейінін шоғырландыру, шығармашылық қабілетін, ой-өрісін дамыту; оқулықты құрметтей білуге, ұқыптылыққа, адамгершілікке тәрбиелеу болды. Байқау нәтижесінде 4-сынып оқушысы А. Саветова, 3-сынып оқушысы И.Айбекқызы, 5-сынып оқушысы Ж. Бейсенбекқызы «ең үздік оқырман» байқауының жеңімпаздары атанды. Жеңімпаздар арнайы мадақтама қағаздарымен марапатталды.
Кітап оқу – біздің балаларымыздың білімін, тәрбиесін және мәдениетін арттырудың маңызды факторы. Біріміз кітапты ой-өрісті кеңейту үшін оқысақ, біріміз – жұмыс барысында ақпарат іздеп оқимыз. Арамызда кітап оқып, демалатындар да бар. Қандай себеп болмасын, оқу сауаттылығы дағдыларын дамыту маңызды. Оқу ой-өрістің кеңеюіне, жан-жақты дамуға, ойлау қабілетін жетілдіруге, шығармалардағы кейіпкерлердің мінез-құлқындағы жағымды тұстарын бойға сіңіруге көмектеседі, жалпы, адамды тәрбиелейді және рухани байытады. Кітап оқуға бала кезден баулу керек. Адамның әдебиетке деген махаббаты сол балалық шақтан пайда болады.

Шәріптоғай негізгі мектебі

Пікір: