Көкпекті ауылынан әскери борышын өтеуге ынталы жастар көп болса да, медициналық таңдау олардың біразын шеттетіп тастайды. Көкпекті орта мектебінің Латиф Фахрутдинов атындағы әскери-спорт мектептерінің түлектері комиссиядан мүдірмей өту тукте емес. Бекболат Ешмұханбетұлы Рахимов шынықтырған біздің ұландар Қазақстан Қарулы күштерінің элиталық бөлімдерінде қызмет етеді.

Солардың бірі Қазақстан Республикасы Ұлттық Қауіпсіздік Комитетінің шекара әскерлері құрамында әскери қызметін өтеген Раджан Нұрланұлы Досанов.
Сайыпкыран сарбаз Раджан Нұрланұлы 1999 жылы 28 ақпанда Толағай ауылында туған. Жас-тайынан ата-анасы Әдия мен Даниярға көмекші болып, еңбек шынығып өседі. Толағай ауылынан Көкпекті ауылына қатынап оқып, Көкпекті орта мектебін «жақсыға» бітіреді.

Әскери қызметі оңтүстік–шығыс шекарамыз Чұнжада өтеді. Өзіне де қызметтестеріне де қамқорлықпен қарайтын қырағы Раджан әскери қызмет барысында суицид жасамақшы болған жауынгерлік досын өлімнен алып қалады. Осындай қырағылығы үшін әскери бөлім бас-шылығы 20 күнге демалысқа жібереді. Демалыс-та да бос жүрмей, алтынұя мектебіне барып, жасөспірімдерге әскери өызмет туралы дәріс оқиды.
Саяси және әскери тәрбиенің үздігі болып, қашанда алғы шепте жүреді. Оның дәлелі көкпектілік жерлес жауынгердің төсіндегі «Үздік шекара қызметшісі» медалі.
Еліміздің шебін осындай тепсе темір үзетін, шарболаттай шыныққан Раджан Досановтар күзеткенде мемлекетіміздің тыныштығын ешқандай жау бұза алмас. Жерлестерімізбен мақтанайық!

Қайрат Бесбайыс

Пікір: