7 мамырда Самар ауылдық округінің мәжіліс залында депутат Гүлнұр Нұрсейітқызы Садықованың төрағалығымен Самар аудандық мәслихатының бірінші сессиясы өтті. Сессия жұмысына Көкпекті аудандық мәслихатының хатшысы Т.М. Сарманов, Самар аудандық мәслихатының депутаттары, Самар өңірінің ауылдық округтерінің әкімдері қатысты.
Бірінші сессияның күн тәртібіне Самар аудандық мәслихатының хатшысын сайлау, Самар аудандық мәслихатының тұрақты комиссияларын құру, Самар аудандық мәслихатының тұрақты комиссия-ларын сайлау, Самар аудандық мәслихатының тұрақты төрағаларын сайлау, Самар аудандық мәслихатының регламентін бекіту, штат санының лимиті және Самар аудандық мәслихаты туралы ережені бекіту сияқты мәселелер енгізілді.
Күн тәртібіне сәйкес және "мемлекеттік бас-қару және жергілікті өзін-өзі басқару туралы" ҚР Заңының 19-бап негізінде Самар ауданы мәслихатының жаңа хатшысын сайлау қажет. Депутат Гаухар Төлеуғалиқызы Бибосынова Көкпекті аудандық мәслихатының үш шақырылымының тәжірибелі депутаттарының бірі, Самар ауылдық округі аумағындағы мемлекеттік мекеменің құр-метті және беделді басшысы ретінде Гүлнар Қасымжомартқызының кандидатурасын ұсынды.

Самар аудандық мәслихатының депутаттары Самар аудандық мәслихатының хатшысы Гүлнар Қасымжомартқызы Шаймарданованы бірауыздан қолдады.
Өз сөзінде Гүлнар Қасымжомартқызы әріптес-теріне үлкен сенім артқаны үшін алғысын білдірді, сонымен қатар Самар ауданының өркендеуі үшін өз тәжірибесін, білімі мен күш-жігерін салатынын жеткізді. Осы мүмкіндікті пайдалана отырып, Самар аудандық мәслихатының хатшысы Талғат Манафұлы Сарманов бастаған Көкпекті аудандық мәслихатының аппаратына, Нұргүл Базарқызы, Гаухар Әскерқызы Самар аудандық мәслихатының бірінші сессиясын ұйымдастыруға көрсеткен көмегі үшін алғыс білдірді. Баршаңызға денсаулық, табыс, отбасыларыңызға амандық және жұмыста жаңа жетістіктер тілеймін. - Самар ауданында өкілді және атқарушы билік алдында міндеттерді жүзеге асыруда үлкен міндеттер тұр. Біз барлығымыз бірге ауданымыздың гүлденуі үшін жұмыс істейтін боламыз, - деп сөзін қорытындылады Гүлнар Қасымжомартқызы.
Одан әрі сессия отырысын Гүлнар Қасым-жомартқызы жалғастырып, ол тұрақты комиссияларды бекітуді ұсынды:
- экономикалық реформалар, бюджет, кәсіпкерлік, агро өңірлік кешен, экология, қоршаған ортаны қорғау, табиғи ресурстарды ұтымды пайдалану және тұрғын үй-коммуналдық шаруашылық бо-йынша. Комиссия төрағасы - Мәмбетов Қанат Мырзабекұлы, Садықова Гүлнұр Нұрсейітқызы – комиссия мүшесі.
- әлеуметтік қорғау, денсаулық сақтау, білім, мәдениет және спорт, депутаттардың өкілеттігі, этика және заңдылық. Тұрақты комиссияның төрағасы Бибосынова Гаухар Төлеуғалиқызы, Алпысбаев Жарбол Алматайұлы – комиссия мүшесі.
Депутаттар бірауыздан қолдап, осы құрамда тұрақты комиссиялар құруға дауыс берді.
Одан әрі мәслихат депутаттары күн тәртібінің қалған мәселелерін қарап, сол бойынша шешімдер қабылдады.
Сессия соңында Көкпекті аудандық мәслихатының хатшысы Талғат Манафұлы Сарманов, Аққала ауылдық округінің әкімі Нұрлан Үмітқазыұлы Назарханов, Ахмет Фазылұлы Кудербаев сөз сөйлеп, Самар ауданының өкілді билігінің жаңа құрамына зор табыс, жаңадан құрылған ауданның өсіп – өркендеуі жолындағы жұмысымыз жемісті болсын,- деп тілектерін білдірді.

Пікір: