«ҚР ДСМ Көкпекті аудандық тауарлар мен көрсетілетін қызметтердің сапасы мен қауіпсіздігін бақылау басқармасы» РММ ұсынған мәліметі бойынша осы аптада Көкпекті ауданында коронавирус індетін жұқтырудың 7 жаңа жағдайы тіркелді.
Инфекцияға ұшырағандардың біреуі Көкпекті, екеуі Самар, төртеуі Қараөткел ауылының тұрғындары (оның үшеуі – балалар). Короновирус-пен ауырған науқастың үшеуі симптомсыз, төртеуі симптомды. Бір науқас ауруханаға жатқызылды, қалғандары үй карантинінде тағайындалған ем алуда.

Қазіргі таңда олармен байланыста болған адамдар анықталып, зертханада олардан талдау анализдері алынып жатыр. Нәтижелері кейінірек белгілі болады.
Гүлмира Қабышқызы Абдрасулова, «Көк-пекті аудандық тауарлар мен көрсетілетін қызметтердің сапасы мен қауіпсіздігін бақылау басқармасы» РММ басшысы:
- Біздің ауданда коронавирустық инфекцияның таралу жағдайын үрей тудырады деп сипаттауға болады. Аурудың алғашқы жағдайы 16 мау-сымда тіркелді. 26 маусымға инфекцияны жұқтырғандардың жалпы саны 12 адамды құрады. Бұл аз уақыт ішіндегі жоғары көрсеткіш. Оның себебі - тұрғындардың енгізілген шектеу шараларын сақтамауынан болып отыр. Шектеу шараларына қарамастан, адамдар отбасылық сауық-сайрандарға жиналып, ауру шыққан ошаққа баруымен індеттін өршуіне себеп болады. Айта кетсек, біздің ауданда тіркелген алғашқы жағдай сырттан әкелінген болатын.
Құрметті аудан тұрғындары! Егер сіздер барлық қажетті санитарлық шараларды сақтамайтын болсаңыздар, қатаң шектеу шаралары Көкпекті ауданының аумағында қайта орнатылатынын ескерткіміз келеді. Қазір бұл жағдай Семей және Өскемен қалаларында орын алуда.
Құрметті жерлестер! Індетпен бірге күресіп, коронавирустың таралуына жол бермейік! Бұл күрестің оң нәтиже беруі өзімізге және шектеу шараларын сақтауға байланысты.

Пікір: