Құрметті көкпектіліктер!

Сіздерді 1 мамыр – Қазақстан халықтарының бірлігі күні мерекесімен шын жүректен құттықтаймыз! Халық бірлігі – қасиетті сөз. Халық бірлігі болған жерде несібеміз бен құт-берекеміз ортақ. Сондықтан 1 мамыр мерекесінің басты құндылығы осы.Қадірменді ағайын! Ел басына күн туған қилы замандарда да халқымызды ұлт ретінде сақтап қалған осы ынтымағымыз бен бір-бірімізге деген бауырмалдығымыз. Жаугершілік заманның не қилы тепершігін көріп жүріп те берекесі мен қазанын ортайтпаған қасиетті, қанағатшыл, тал бесік пен жер бесіктің арасындағы біреуге ұзақ, біреуге шолақ өмір жолында өзгенің ұлын өзекке теппей, өз құндылығын жоғалтпаған ұлтымыз терең кемеңгерлікпен өмір ағысында тағылымды тарихын жасап келе жатқан жасампаз халық.

Біз осындай дархан пейіліміздің арқасында, бүкіл әлемге ынтымағы жарасқан, халқының пейілі кең ел ретінде танылдық.

Қадірменді жерлестер!

Бейбітшілік пен татулықтың арқасында бүгінгі жаһанды жалмап келе жатқан ажал айдаһарындай коронавирус дертін де жеңетінімізге, болашағымыздың жарқын да баянды болатынына сендіргім келеді.

Бір шаңырақтың астында бір атаның баласындай ғұмыр кешіп келе жатқан ұлттар достығы мен өзара түсіністігі одан әрі нығайып, еліміздегі ұлтаралық татулық әрдайым берік босын!

Осы орайда баршаңызды тағы да бүгінгі мерекемен шын жүректен құттықтай отырып, зор денсаулық, отбасыларыңызға құт-береке, бақыт тілейміз.

Бірлігіміз бекем болсын, ардақты ағайын!

А.Смаилов, аудан әкімі

Т.Сарманов, аудандық мәслихаттың хатшысы

Пікір: