Атаулы әлеуметтік көмек Көкпекті ауданы бойынша 392 отбасына берілді» - деп хабарлайды «Шығыс Қазақстан облысы Көкпекті ауданының жұмыспен қамту, әлеуметтік бағдарламалар және азаматтық хал актілерін тіркеу бөлімі» мемлекеттік мекемесі басшысы Қанат Мұқышев. Өтемақы 2 айға сәуір маусым айларына беріліпті. Көкпекті ауылы бойынша 52 көпбалалы ана алса, алғашқылардың бірі бес бала асырап отырған жалғызбасты Айгүл Садықова екен. Көкпекті өзенінің жағасындағы аудан әкімшілігі берген екі бөлмелі үйде тұратын Айгүл Садықова атаулы әлеуметтік көмекті рәсімдеу кезінде ешқандай сөзбұйдалық пен қағаз бастылық көрмегенін, қажетті құжаттарының аздығын, оларды жинақтап өткізгесін, көмек қаржысының шотына түскенін айтып, алғысын білдірді. Айгүлдің тұңғышы Аяжан 13 жаста екен, одан кейінгі балалары – Әлихан, Нұрсұлтан, Айарулар 11 айлық Нұрали жетектеп ойнатуға жарап қапты. Бар бала аналарының қолғанаты болып, берілген атаулы көмектің риздығын көріп, тап-тұйнақтай таза бөлмеде сабақ қарап отырды. Алған көмекті үйді жөндеп, бақшаны жыртқызып, көкөніс егуге жұмсаймын деп отыр жалғызбасты көпбалалы ана Айгүл. Атаулы көмектің үнемді пайданып жатқаны көз қуантып, көңілімізді көншітті.
Хадиша Жусанбаева, атаулы көмек алушы көп балалы ана:

- Мен атаулы әлеуметтік көмекті көптен бері күтіп жүрдім. «Шығыс Қазақстан облысы Көкпекті ауданының жұмыспен қамту, әлеуметтік бағдарламалар және азаматтық хал актілерін тіркеу бөлімі» мемлекеттік мекемесіне құжаттарымды өткізгенде тағы да бір, екі ай тосамын ба деп қиналдым. Алайда, бұл уайымым бекер екен. Әр балаға 21 мың теңгеден берілетін жәрдемақыны алу үшін өтініштен басқа ешқандай құжаттар қажет емес екен. Оны әлеуметтік бағдарламалар және азаматтық хал актілерін тіркеу бөліміне өткіздім. Құжаттарымды өткізгеннен кейін бір аптаға да толмаған мерзімде екі айдың өтемақысы жеке шотыма түсті. Қанат Мұқышев басқаратын мекеме тарапынан маған көңіл бөліп, көрсетілген көмектері үшін алғысым шексіз.

Шолпан АСЫЛБЕКҚЫЗЫ 

Пікір: